अर्जुन दाहाल , दुबई
२२ नोभेम्वर, २००९ - नेपाली समाज यूएईद्वारा जनवादी गायकद्वय मञ्जुल र प्रदिप देवानका साथै पहिलो नेपाली तारा दिपक लिम्बूलाई स्वागत गरिएको छ । यूएईमा २० नोभेम्वर २००९ कादिन दुबइको अस्टोरिया होटलमा नेपाली समाजले आयोजना गरेको रमाइलो साँस्कृतिक साँझ कार्यक्रममा उक्त स्वागत गरिएको हो । कार्यक्रमका प्रमुख अतिथि यूएईका लागि नेपालका राजदूत महामहिम श्री अर्जुनबहादुर थापा र समाजका अध्यक्ष श्री यम तमूले संयुक्तरुपमा फुलमाला लगाई उहाँहरुलाई स्वागत गरिएको हो ।

सोही कार्यक्रममा श्रम सहचारी पार्वती अर्याल र नेपाली समाजको साँस्कृतिक कार्यक्रममा लामो समयदेखि आफ्नो कला प्रस्तुत गर्दै आएकी कलाकार सरस्वती थोकरलाई पनि सम्मान गरिएको थियो ।